luns, 25 de xaneiro de 2010

Da folga do 21


Falar da folga e da manifestación do 21 implica estar a medio camiño entre a ledicia e a tristura. O primeiro polo exito de ambalas dúas e o segundo porque, ademais de non cambiar nada, manda carallo! o que temos que facer no noso propio país pola nosa propia lingua.
Respecto as analises e novas relacionadas aqui unha selección de como se deu a noticia por aí adiante. E agora unha selección de distintas reaccións e analises:
http://atrenza.blogaliza.org/2010/01/21/feijoo-humillado/
http://xmeyre.blogaliza.org/2010/01/22/onde-demostro-que-o-pp-esa-panda-de-burranzologos-nin-sabe-sumar/
http://cafenatrincheira.trincheradigital.com/?p=1026
http://cafenatrincheira.trincheradigital.com/?p=1032
http://cafenatrincheira.trincheradigital.com/?p=1036
Podería seguir porén remato con dúas analises que me gustaron especialmente: unha da furada do trasno, e outra de feijoomente. As dúas fan fincape en como podemos ter exito nas mobilizacións sen que nada cambie e Feijoo siga adiante e disfrutando desa aura de centrismo da que presume. Eu concordo plenamente con esas analises. Sobretodo estando nun centro no que so fumos a folga o 35% dos profesores, mais que os catro gatos mal contados que nos posicionamos de comezo, e un exito rotundo segundo un compañeiro tendo en conta a composición do claustro.  E xa que falamos do claustro hoxe tocou un para ver que alegacións se ían presentar o decreto na reunión de mañan coa Consellería. Falaron catro persoas. Un profesor contra a imposición do galego. Outro a prol de potenciar o inglés (para máis inri o encargado de normalización, caeulle o posto para completar horario). Unha profesora de galego para defender o obvio a volta o decreto anterior ou de elaborar un novo que siga as mesmas bases do anterior. E eu, que falei para apoiar a compañeira de galego e para no caso de que se empeñen en seguir con este que fagan o seguinte:
- 50% mínimo de materias en galego como lingua minorizada.
- Os pais non teñen nada que dicir sobre a lingua das materias. Iso so crea conflictos e complicacións administrativas. Corresponde a Consellería elaborar unha lista de materias en cada lingua.
- O s rapaces deben empregar de forma oral e escrita a lingua na que se imparte a materia pois do contrario non acadaran a debida competencia lingüística.
- E por último, se a Consellería persiste no do menú a carta para pais e alumnos, que os profesores tamen poidamos escoller lingua.
Como vedes vou facendo amigos ala por onde paso. En fin,isto vai para longo. De momento animo a todos.


 P.D: Teño pendentes dous videos de Xopau, que foi a manifestación, sobre o Obradoiro "cheo de peregrinos". O quid da cuestión é que consiga convertelos a un formato que sexa compatible co blogue.


Aquí en Galizauberalles




1 comentario: